السلام على من إتبع الهدى
في الفترة الأخيرة تردد على لسان الأصدقاء المسيحين أننا نقول عنهم أنهم كفار
وهذا شئ يغضبهم للغايه كما يقولون
وأنا سئمت من الدندنه حول هذا الأمر مرارا وتكراراً في كل مكان أفتح التليفزيون الآقي واحد مسيحي بيزعق ومتضايق
وبيقول السلفيين بيقولوا علينا كفار
أفتح الراديو الاقي واحد مسلم أو زي ما هم بيصنفوا سلفي بيرد على المسيحي ويقولو أيوه كفار
إيه الحكاية وإيه هي حقيقة كلمة
(((((((((( كـــــــــــــــــــــافـــــــــــــر ))))))))))
ليس مسبه أو شتيمه أو كلمه سيئه
يعني المسيحي كافر ؟
الإجابه نعم
إذن المسلم كافر ؟
الإجابه نعم
طيب هل كل الناس كفار بالشكل ده ؟
بالتاكيد
طيب إزاي عشان نفهم
ببساطه كل إنسان على وجه الأرض يؤمن بدين أو فكر حتى الملحد يؤمن بإلحاده
وطالما انا مؤمن بدين أو فكر إذا انا كافر بكل دين او فكر غيره
سنضرب مثالين وهم الأكثر جدلا حالياً
بالنسبة للمسيحي
لو سألت أي مسيحي وقولت له هل تؤمن بالقرآن أو بنبوة رسول الإسلام؟
رده أكيد لا وإلا فهو مسلم
إذن توصيفه كافر بالإسلام
ولو سألت مسلم هل تؤمن بصلب المسيح وأن الإله ثلاثي الأقانيم وانه تجسد؟
رده أكيد لا وإلا فهو مسيحي
إذا توصيفه كافر بالمسيحية
وقد ذكر الله تعالى في القرآن الكريم
أن المسيحي كافر بالإسلام
{لَقَدْ كَفَرَ الَّذِينَ قَالُواْ إِنَّ الله هُوَ المَسِيحُ ابْنُ مَرْيم وَقَالَ المسِيحُ يَا بَني إِسْرَائِيلَ اعْبُدُواْ الله رَبِّي وَرَبَّكُمْ إِنَّهُ مَن يُشْرِكْ بِالله فَقَدْ حَرَّمَ الله عَلَيهِ الجَنَّةَ وَمَأْوَاهُ النَّارُ وَمَا لِلظَّالمِينَ مِنْ أَنصَارٍ }المائدة72
{لَّقَدْ كَفَرَ الَّذِينَ قَالُواْ إِنَّ الله ثَالِثُ ثَلاَثَةٍ وَمَا مِنْ إِلَـهٍ إِلاَّ إِلَـهٌ وَاحِدٌ وَإِن لَّمْ يَنتَهُواْ عَمَّا يَقُولُونَ لَيَمَسَّنَّ الَّذِينَ كَفَرُواْ مِنْهُمْ عَذَابٌ أَلِيمٌ }المائدة73
وأيضاً ذكر جل جلاله أن المسلم كافر بكل شئ غير الإسلام
{لاَ إِكْرَاهَ في الدِّينِ قَد تَّبَيَّنَ الرُّشْدُ مِنَ الْغَيِّ فَمَنْ يَكْفُرْ بِالطَّاغُوتِ وَيُؤْمِن بِالله فَقَدِ اسْتَمْسَكَ بِالْعُرْوَةِ الْوُثْقَىَ لاَ انفِصَامَ لها وَالله سَمِيعٌ عَلِيمٌ }البقرة256
والطاغوت هو كل من عبد من دون الله
طيب انا عايز كل إنسان يسأل نفسه ليه يزعل لو شخص من عقيده ثانيه قال عنه أنه كافر
الحاله الوحيده اللى ممكن يزعل فيها إن شخص من نفس دينه هو اللى يقول عليه كده
ياريت الكل يغير أسلوبه وطريقة تفكيره وما يتوارثش الفهم الخاطئ لكلمه أو لفعل ويعمل حكايه من لاشئ
طيب واحد مخه متربس واتربى على إنه عنده حساسية من كلمة كافر
إيه الحل
شفتوا بنجيب حتى حلول للأمخاخ المتربسة
بسيطه ما تسألش المخالف ليك أنا كافر ولا لأ
لأنك لو مسلم وسألت المسيحي أنا كافر ولا لأ أكيد هيقولك إنك كافر لو ماقالكش كده إذن هو خالف عقيدته
ولو كنت مسيحي ماتسألش المسلم أنا كافر ولا لأ لأنه هيقولك إنك كافر لانه لو ماقالكش كده إذن هو خالف عقيدته
وأتمنى من كل الأمخاخ المتربسة تتزيت وتشتغل كويس ونتقبل المخالف
